Aline Sloksnath

Bisch du de füdliblutti Wahnsinn?

Geschrieben von: Aline Sloksnath in Cast
Tags: Video , Studenten , persönlich , Mensch , Cast


bisch du de füdlibluttiwahnsinn?

Für das Video-Projekt spilts kei Rolle wie du usgsehsch – mir wänn nämmlich zeige, dass din Charakter, dini Stärchene und dini Ihstellig das sind, wo dich zu dem Mensch machet wo du bisch! Aso los, nimm all dis Selbstbewusstsi zemme und verzell vor de Kamera vo dim Inneläbe!

Und glich spilt din Körper au eh Rolle ih dem Video. Schlussendlich isch er „s’Dihei vo dim Charakter“. (Ach wie romatisch das tönt!)

Also: "Muet zur Nacktheit" isch gfrögt! Aber kei Angst, mer wird uf keinere Ufnahm alles, aso wüki alles, vo dir gseh, sonder numme Teil vo dir. Sprich: dini nackte Schultere, dini Bei, din Buch, dis Füdli.

Natürlich entscheidisch du persönlich was vo dim Körper du wettsch zeige und was du über dich wettsch verzelle. Din Name blibt anonym.

Drehort wäred Chur oder Züri, was vo beidem besser für dich zerreiche isch.

Bisch neugirig? Und parat es "Teil"-Akt-Video zmache wod auna drüber redsch, was für en Mensch du bisch? 

Denn meld dich per Mail ah: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Witeri Infos gebed mer dir gern per Mail dure. Mier würded euis freue, dich persönlich kenne z'lerne und wenn du Teil vo dem Projekt würsch werde.

Für all dini Frage hemmer sicherlich eh Antwort parat und du defsch si euis jederziit stelle.

 

Ahja und was velicht na mega wichtig wär zum säge: mir sind Studänte und das isch es Projekt fürs Studium - aka mer chönd dir leider kei Gage zahle. Defür chömer alli mitere Kamera und mit Photoshop umgah und bütet dir als Gägeleistig ned numme dis Video ah, sondern au es paar bearbeiteti Fotis vo dir. Ob Portrait, ganz Körper oder sogar Akt entscheidisch du!